GREEN ROOFS

Otsailaren 27an Kanadako arkitektura irakasle bat etorri zen gure eskolara estalki berdeei hitz egitera, "Green Roofs" izenaz ezaguturiko teilatu berdeei buruz alegia. Irakasle amerikar hau bere taldearekin  batera gai honetan espezializatzen delarik.

Betidanik ikusi izan dugu arkitektura hormigoizko, adreilu eta abarrez eginiko lurretik altxatzen den izugarrizko armatroste bezala, eta gaur egun aurkitzen garen momentu honetan, behin teknologiak aurrera egin ahala, bada garaia honi beste ikuspuntu edo definizio bat emateko.

Horretarako oso ondo etorri zitzaigun Otsailean izandako hitzaldi hau, arkitektura jasangarriago batera bultzatzeko eta izenak dioen moduan, gure egunerokotasinerako horren beharrezkoak diren eraikinak "green" hitzarekin pintatzeko.

Hitzaldi hau ingelesez izan zen, eta nahiz eta jonek pixka bat ulergaitzagoa egin guztiaz enteratzeko, uste dut haren esentzia denok ulertu genuela. Azken batean teilatu berde horiek zertarako diren, nola laguntzen duten ingurugiroan eta nolako abantailak dituzten denok ulertu baitgenituen.

Argi dago hitzaldira begirada bat botaz, estalki konbentzionalak alde batera utzi eta hauek berde bilakatzeak, hala nola bertan landaretza bat hasiz, airearen kalitatea hobetzen lagun dezakeela, landareek denok dakigun modura, egunez karbono dioxidoa xurgatu eta oxigenoa kanporatzen baitute. Dena den, hau horrela egiteak, eraikuntza aldetik apur bat komplexuak litzatekeen ezaugarri batzuk hartu beharko genituen kontutan, beti ere gogotsu hartu ezkero lor genezakeen gauza bat izanik.

Aire kalitateaz gain, hain entzuna den berotze efektuarekin ere lagunduko ligukete landaretza hauek, horrela hirietako tenperatura jaitsiaraziz.

Eta hau gutxi balitz ere, ura ez aprobetxatzearen arazoa murrizten ere lagunduko ligukete, neguko euria batu eta udaran aprobetxatzea ahalbidetuz. Neguko ur hori teilatuetako sistema batean batuko zen, ondoren kontsumorako ez diren hainbat erabileratara bideratuz, komunetako bonbetara adibidez, uraren kontsumoa bajatuz.

Guzti hau bi taldetan banatu zuen berak: extensive roofs eta intensive roofs izenekin. Extensive izenarekin teilatu berdeak banatu zituen, eraikinen gaineetako espazioa aprobetxatzeko intentzioarekin. Eta intensive izenarekin berriz, sotoen edo lur azpiko garajeen gaineko espazioak aipatu zituen, hauekin espazio handiagoak lortuz jardin bilakatzeko.

Beraz, esanikoa laburbilduz, honelako abantailak ditu "green roof" delakoak:

• Aire kalitatearen hobekuntza nabarmena.
• Hirietako tenperaturaren jaitsiera.
• Ura aurreztea.

Abantaila hauek ez al dute ideia hau oso interesgarria egiten?